Құрметті ұстаздар, ардақты ата-аналар және оқушылар!
Сіздерді 1 қыркүйек – Білім күнімен және жаңа оқу жылының басталуымен шын жүректен құттықтаймыз!
Бұл күн – білім мен жаңа мүмкіндіктерге, жаңалықтар мен жетістіктерге толы жаңа кезеңнің бастауы. Оқушыларымыз үшін білімін жетілдіруге, шығармашылық қабілеттерін дамытуға және өз мүмкіндіктерін жүзеге асыруға жаңа мүмкіндіктер ашылады. Ал педагогтер үшін жаңа оқу жылы – жаңа міндеттер мен шәкірттерінің жетістіктеріне қуанатын, кәсіби тұрғыдан толағай табыстарға жетелейтін жаңа белес.
Еліміз үшін ұлы ағартушы Ыбырай Алтынсариннің педагогикалық мұрасының маңызы ерекше. Ол бүкіл ғұмырын білім беруді дамытуға және халықты ағартуға арнады. Оның «Кел, балалар, оқылық!» деген әйгілі үндеуі бүгінгі күні де бізге басты құндылық – білімге деген ұмтылыстың маңызын еске салады.
Қымбатты оқушылар! Сіздерге өз күштеріңізге деген сенімділік, қызықты жаңалықтар, жарқын жеңістер және адал достар тілейміз! Әрбір мектептегі күніңіз сіздерді жаңа белестерге жетелеп, жақсы жаққа өзгеруге және армандарыңызға бір қадам жақындауға мүмкіндік берсін!
Құрметті педагогтер! Сіздерге кәсіби шабыт, шығармашылық табыс, білімге құштар шәкірттер және жаңа жетістіктер тілейміз!Ардақты ата-аналар! Сіздерге сенімдеріңіз, қолдауларыңыз және өзара ынтымақтастықтарыңыз үшін алғысымызды білдіреміз. Балаларыңыздың әрбір жетістігі сіздерге қуаныш пен мақтаныш сыйласын!
Жаңа оқу жылы барша мектеп ұжымы үшін жаңа білімдер мен игі бастамалардың, мол мүмкіндіктер мен маңызды жетістіктердің жылы болсын!
Білім күні құтты болсын!
Жаңа оқу жылы сәтті басталсын!
