«Мейірімді жүрек» волонтерлік жасағы 2025 - 2026 жылдары жүзеге асырылып жатқан Ұлттық волонтерлік желінің «Kazakhstan for Animals» жобасына қатысты. Аталған жоба аясында біз «Кошкин дом» баспанасымен ынтымақтастық орнатып, бірлесіп «Досыңды тап» телеграм - боты бастамасын жүзеге асырып келеміз.
Бұл бастаманы үйлестіру «Kazakhstan for Animals» жобасының республикалық үйлестірушісі - Футман Глебтің жетекшілігімен жүргізіледі.
Боттың мақсаты - баспанадағы жануарларға жаңа иелер табу үдерісін жеңілдету және қаңғыбас жануарлар мәселесіне қоғамның назарын аудару.
Бот арқылы:
- асырап алуға берілетін мысықтар мен иттердің анкеталарын көруге;
- әрбір жануардың тарихы мен оны күтіп - бағу шарттары туралы білуге;
- жануарды отбасына қабылдауға өтінім қалдыруға;
- волонтерлік көмек немесе уақытша күтім (алдын ала асырау) мүмкіндіктері туралы ақпарат алуға болады.
Біздің оқушылар бұл жұмысқа белсенді қатысуда: олар жануарларды суретке түсіреді, олар туралы ақпарат жинайды және анкеталарды сайтқа орналастырады.
Болашақ иелер анкеталарды қарап шығып, егер күшікті немесе мысықты үйіне алғысы келсе, өтінім қалдыра алады. Осыдан кейін біздің волонтерлер «Кошкин дом» баспанасымен байланысып, кездесу ұйымдастырады.
Біз осындай игі істің бір бөлігі болғанымызға қуаныштымыз. Бұл жоба жануарлардың өз үйін табуына көмектесіп қана қоймай, оқушыларымыздың бойында мейірімділік, жауапкершілік және жанашырлық қасиеттерін қалыптастырады.
