Мектеп пен отбасы: тәрбие – ортақ міндет

Мектеп пен отбасы: тәрбие – ортақ міндет
Мектебімізде «Мектеп және отбасы: әдепті әрі жауапты тұлғаны тәрбиелеудегі ынтымақтастық» тақырыбында жалпы мектепішілік ата-аналар жиналысы өтті.
Жиналыста мектеп директоры Жарылқасымова Г.К. жаңа оқу жылындағы білім беру үдерісінің ерекшеліктерімен таныстырды. Қазіргі таңда мектепте 815 оқушы, 34 сынып-жинақ бар, оқыту екі ауысымда ұйымдастырылған.
Жиында оқу және тәрбие жұмысының негізгі бағыттары, «Адал азамат» бағдарламасының жүзеге асырылуы, профилактикалық жұмыс, қосымша білім беру, оқушылардың дұрыс тамақтануы және мектеп қауіпсіздігі мәселелері қарастырылды.
Ата-аналарға мектептегі жөндеу жұмыстары, бейнебақылау жүйесі және мектеп қажеттіліктері туралы ақпарат берілді.
Мектеп пен отбасының бірлескен жұмысы – баланың жан-жақты дамуы мен тәрбиесінің маңызды негізі.