Тілдер бірлігі – Қазақстан бірлігінің негізі

Тілдер бірлігі – Қазақстан бірлігінің негізі
КГУ «Общеобразовательная школа №6» мектебінің 10 «А» сыныбында Қазақстан халқының тілдері күніне орай «Тілдер бірлігі – Қазақстан бірлігінің негізі» тақырыбында сынып сағаты өтті.
Сынып сағаты барысында оқушылардың тіл туралы білімдерін арттыру мақсатында «Лингво-эрудит» экспресс-викторинасы ұйымдастырылды. Оқушылар қызықты сұрақтарға жауап беріп, тілдер мен мәдениеттерге қатысты білімдерін ортаға салды.
Сонымен қатар оқушылар қазақ тіл білімінің негізін қалаушы, қазақ әліпбиін жасаушы, аудармашы, публицист Ахмет Байтұрсынұлының өмірі мен шығармашылық мұрасы туралы мағлұмат алды.
Іс-шараның негізгі мақсаты — тілге деген құрметті қалыптастыру, көптілділікті дәріптеу және еліміздегі түрлі этнос өкілдерін біріктіретін ортақ құндылықтарды насихаттау.
Тіл — халықты біріктіретін рухани көпір!
Бірлігіміз — берекеміз, тілдеріміз — байлығымыз!