Лисаковск қаласы білім бөлімінің «№6 жалпы білім беретін мектебі» КММ - де «Білім алушылардың табысты әлеуметтенуіне және олардың белсенді өмірлік ұстанымын қалыптастыруға жағдай жасау "Адал азамат" бірыңғай тәрбие бағдарламасының құндылықтарын ілгерілету арқылы» тақырыбында педагогикалық кеңес өтті.
Отырыс барысында оқушылардың азаматтықты, жауапкершілікті және рухани - адамгершілік құндылықтарын дамытуға бағытталған тәрбие жұмысының жүзеге асырылу мәселелері қарастырылды.
Білім алушылардың оң өмірлік ұстанымдарын қалыптастыруға, көшбасшылық қасиеттерін дамытуға және белсенді азаматтық позициясын нығайтуға бағытталған «DosbolLIKE» жобасын енгізуге ерекше назар аударылды.
Ата - аналарды педагогикалық қолдау орталығының (АПҚО) қызметі аясында коммуникативтік дағдыларды, эмоционалдық интеллектіні дамытуға және балалардың мектеп ортасына табысты бейімделуіне бағытталған үш модуль бойынша сабақтар циклі қарастырылды. Сондай - ақ ата - аналармен өзара іс - қимыл формалары мен бала мен ата-ана арасындағы қарым - қатынасты нығайтуға және отбасының педагогикалық мәдениетін арттыруға ықпал ететін бірлескен іс - шараларды өткізу мәселелері талқыланды.
Педагогикалық кеңес қорытындысы бойынша мектептің тәрбие жүйесін жетілдіру және әрбір білім алушының табысты әлеуметтенуіне қолайлы жағдайлар жасау бағытында педагогикалық ұжымның алдағы жұмысындағы басым бағыттар айқындалды.
#АдалАзамат
